पोलीस वर्धापन दिनानिमित्त एमआयटी विद्यापीठात व्यसनमुक्ती व रस्ता सुरक्षा सप्ताहाचे भव्य आयोजन!

🚨 ब्रेकिंग न्यूज | पुणे 🚨

पोलीस वर्धापन दिनानिमित्त एमआयटी विद्यापीठात व्यसनमुक्ती व रस्ता सुरक्षा सप्ताहाचे भव्य आयोजन!

एमआयटी एडीटी विद्यापीठ, लोणी काळभोर येथे पोलीस वर्धापन दिनाच्या निमित्ताने व्यसनमुक्ती व रस्ता सुरक्षा सप्ताह अंतर्गत विशेष व्याख्यानाचे आयोजन करण्यात आले.

या कार्यक्रमात डॉ. राजकुमार शिंदे (IPS), पोलीस उपायुक्त, परिमंडळ-६, पुणे शहर यांनी तरुणांना मार्गदर्शन करताना सांगितले की –

“खरे सामर्थ्य वेगात नसून नियंत्रणात असते. वाहतूक सुरक्षा ही सामूहिक जबाबदारी असून स्वयंशिस्तीमुळे स्वातंत्र्य मर्यादित होत नाही, तर आपले रक्षण होते.”

तसेच तरुणांनी पोलीसांशी संवाद वाढवावा, पोलीस स्टेशनला भेट देऊन पोलीस दलाची कार्यपद्धती समजून घ्यावी व वाहतूक व्यवस्थापनात स्वयंसेवक म्हणून काम करावे, असे आवाहनही त्यांनी केले.

हडपसर वाहतूक विभागाचे पोलीस निरीक्षक राजेंद्र करणकोट यांनी वाहतूक नियमांचे काटेकोर पालन करण्यावर भर दिला, तर लोणी काळभोर पोलीस स्टेशनचे वरिष्ठ पोलीस निरीक्षक राजेंद्र पन्हाळे यांनी एनडीपीएस कायदा १९८५ बाबत महत्त्वपूर्ण माहिती दिली.

या वेळी एमआयटी एडीटी विद्यापीठाच्या कार्यकारी संचालक प्रा. डॉ. सुनिता कराड, कुलगुरू प्रा. डॉ. राजेश, कुलसचिव डॉ. महेश चोपडे, अधिष्ठाता डॉ. गणेश पाठक, विद्यार्थी कल्याण विभागाच्या डॉ. प्रतिभा जगताप यांच्यासह अनेक मान्यवर उपस्थित होते.

🔖 Hashtags

#PuneBreaking #PoliceFoundationDay #MITADTUniversity #Lonikalbhor #RoadSafetyWeek #AddictionFreeIndia #TrafficAwareness #CommunityPolicing #PunePolice #YouthForSafety #NDPAct1985 #PoliceForPeople