🚨 ब्रेकिंग न्यूज | पुणे ग्रामीण 🚨
खानापूरमधील भरदिवसा सशस्त्र दरोड्याचा ४८ तासांत पर्दाफाश!
वैष्णवी ज्वेलर्स या सराफ दुकानावर तलवार-कोयता दाखवून सुमारे ₹१ कोटी ५ लाखांचा ऐवज लुटणारी टोळी पुणे ग्रामीण पोलिसांनी अवघ्या ४८ तासांत जेरबंद केली आहे. या कारवाईत ५६ तोळे २ ग्रॅम सोन्याचे दागिने किंमत ₹७०.३२ लाख तसेच गुन्ह्यात वापरलेला कोयता हस्तगत करण्यात आला आहे.
दि. २६ डिसेंबर रोजी दुपारी १२.३० वाजता खानापूर गावात पाच अज्ञात दरोडेखोरांनी वैष्णवी ज्वेलर्समध्ये घुसून दुकान मालक व महिला कर्मचाऱ्यांना शस्त्रांचा धाक दाखवत सुमारे ८४ तोळे सोनं व रोख रक्कम लंपास केली होती. या प्रकारामुळे संपूर्ण खानापूर परिसरात भीतीचे वातावरण निर्माण झाले होते.
या गंभीर गुन्ह्याची दखल घेत पुणे ग्रामीण पोलीस अधीक्षक संदीप सिंह गिल्ल व अपर पोलीस अधीक्षक रमेश चोपडे यांच्या मार्गदर्शनाखाली स्थानिक गुन्हे शाखा, हवेली व वेल्हे पोलीस स्टेशनची ६ विशेष पथके तयार करून दिवसरात्र तपास सुरू करण्यात आला. सीसीटीव्ही फुटेज, गोपनीय माहिती व नाकाबंदीच्या आधारे आरोपींचा माग काढत पथकांनी सिंगापूर डोंगर, वेल्हे तालुक्यातील जंगल परिसरात छापा टाकून
अंकुश दगडू कचरे (वय २०) व गणेश भांबु कचरे (वय २३) यांना अटक केली.
चौकशीत उघड झाले की, या गुन्ह्यात तीन विधीसंघर्षित बालकांचाही सहभाग असून मुख्य आरोपी अंकुश कचरे याच्यावर यापूर्वीही ३ गुन्हे दाखल आहेत. दोन्ही आरोपींना न्यायालयात हजर केले असता दि. ५ जानेवारी २०२६ पर्यंत पोलीस कोठडी मंजूर करण्यात आली आहे.
ही धडाकेबाज कारवाई म्हणजे पुणे ग्रामीण पोलिसांचा गुन्हेगारांना स्पष्ट इशारा –
गुन्हा करून सुटण्याचा काळ संपला आहे!
🔴 #BreakingNews Hashtags 🔴
#PuneRuralPolice #KhanapurRobbery #JewelleryShopLoot #ArmedRobbery #CrimeNews #PoliceAction #48HoursOperation #VaishnaviJewelers #GoldRecovered #LocalCrimeBranch #HaveliPolice #VelhePolice #MaharashtraNews #LawAndOrder #PuneDistrict 🚔
