🚨 ब्रेकिंग न्यूज | लोणीकाळभोर पोलिसांची मोठी कारवाई – सराईत गुन्हेगार सद्दाम अन्सारी एक वर्षासाठी स्थानबद्ध! 🚨

🚨 ब्रेकिंग न्यूज | लोणीकाळभोर पोलिसांची मोठी कारवाई – सराईत गुन्हेगार सद्दाम अन्सारी एक वर्षासाठी स्थानबद्ध! 🚨

लोणीकाळभोर पोलीस स्टेशन, पुणे शहर :

पुणे शहरात कायदा व सुव्यवस्था अबाधित राहावी तसेच सामान्य नागरिकांच्या सुरक्षिततेस धोका ठरणाऱ्या सराईत गुन्हेगारांविरोधात ठोस कारवाईचे आदेश मा. पोलीस आयुक्त अमितेश कुमार यांनी दिले होते. त्यानुसार लोणीकाळभोर पोलीस स्टेशन हद्दीतील रेकॉर्डवरील सराईत गुन्हेगार सद्दाम इरफान अन्सारी (वय २१, रा. इंदिरानगर, कदमवाकस्ती, लोणी काळभोर) यास एम.पी.डी.ए. कायद्यान्वये एक वर्षासाठी स्थानबद्ध करण्यात आले आहे.

सदर आरोपीवर घातक धारदार हत्यारांनी जबर दुखापत करणे, बेकायदेशीर जमाव जमवून दंगल घडविणे, बेकायदेशीररीत्या घातक शस्त्रे बाळगणे तसेच शस्त्रांच्या जोरावर परिसरात दहशत निर्माण करणे असे गंभीर गुन्हे दाखल होते. यापूर्वी हद्दपारची कारवाई करण्यात आली होती, मात्र त्यानंतरही तो पुन्हा गुन्हेगारी कृत्यांमध्ये सक्रिय राहिल्याने परिसरातील नागरिकांमध्ये असुरक्षिततेची भावना निर्माण झाली होती.

या पार्श्वभूमीवर वरिष्ठ पोलीस निरीक्षक राजेंद्र पन्हाळे यांनी स्थानबद्धतेचा प्रस्ताव तयार करून मा. पोलीस आयुक्तांकडे सादर केला. त्यास मंजुरी देत सद्दाम अन्सारी यास अमरावती मध्यवर्ती कारागृहात एक वर्षासाठी स्थानबद्ध करण्यात आले आहे.

ही कारवाई

मा. अमितेश कुमार (पोलीस आयुक्त, पुणे शहर),

मा. रंजन कुमार शर्मा (पोलीस सह आयुक्त),

मा. मनोज पाटील (अपर पोलीस आयुक्त, पूर्व प्रादेशिक विभाग),

मा. डॉ. राजकुमार शिंदे (पोलीस उप आयुक्त, परि. ०६),

मा. अनुराधा उदमले (सहा. पोलीस आयुक्त, लोणीकाळभोर विभाग)

यांच्या मार्गदर्शनाखाली वरिष्ठ पोलीस निरीक्षक राजेंद्र पन्हाळे, पोलीस निरीक्षक (गुन्हे) स्मिता पाटील, पोउपनिरी उदय काळभोर, पो.हवा. सुनिल नागलोत, तेज भोसले, प्रशांत नरसाळे, दिपक सोनवणे व महिला पोलीस अंमलदार योगिता भोसुरे यांच्या पथकाने यशस्वीरीत्या पार पाडली.

🔥 Hashtags

#BreakingNews #LoniKalbhorPolice #MPDAAction #PuneCityPolice #CrimeControl #GoondaRajEnd #PuneCrime #PublicSafety #PoliceAction #AmravatiJail