🔗 शेवाळवाडी भाजी मंडई परिसरातील चैन स्नॅचींग गुन्ह्याचा अवघ्या काही दिवसांत उलगडा – आरोपी अटकेत, सोन्याची चैन जप्त!

🚨🚔 ब्रेकिंग न्यूज | पुणे शहर – मांजरी पोलीस स्टेशनची धडाकेबाज कारवाई 🚔🚨

🔗 शेवाळवाडी भाजी मंडई परिसरातील चैन स्नॅचींग गुन्ह्याचा अवघ्या काही दिवसांत उलगडा – आरोपी अटकेत, सोन्याची चैन जप्त!

दिनांक ०४/०१/२०२६ रोजी सायंकाळी शुभकल्प सोसायटीजवळ, शेवाळवाडी भाजी मंडईसमोर, सोलापूर रोड, मांजरी, पुणे येथे भाजी खरेदीसाठी निघालेल्या एका महिलेस अंधाराचा फायदा घेऊन तोंडावर स्माल बांधलेल्या इसमाने त्यांच्या गळ्यातील अंदाजे ८ ग्रॅम वजनाची व ₹५०,०००/- किंमतीची सोन्याची चैन हिसकावून पलायन केले होते.

या घटनेमुळे मांजरी परिसरात खळबळ उडाली होती. या प्रकरणी मांजरी पोलीस स्टेशन गुन्हा रजिस्टर नं. ०६/२०२६ अंतर्गत भारतीय न्याय संहिता कलम ३०४ (२) प्रमाणे गुन्हा दाखल करण्यात आला होता.

📹 तांत्रिक तपासाचा उत्कृष्ट नमुना

गुन्ह्याचे गांभीर्य लक्षात घेऊन मा. वरिष्ठ पोलीस निरीक्षक श्री. बाबासाहेब निकम यांच्या मार्गदर्शनाखाली पोलीस उपनिरीक्षक महेश कवळे व त्यांच्या तपास पथकाने घटनास्थळापासून दरडी रोड ते गोपाळ पट्टी, मांजरी या तब्बल ७ किलोमीटर परिसरातील ७० ते ८० सीसीटीव्ही कॅमेऱ्यांचे सलग ५ ते ६ दिवस बारकाईने निरीक्षण व तांत्रिक विश्लेषण केले.

या विश्लेषणातून आरोपीच्या ये-जा मार्गाची खात्रीशीर माहिती मिळवण्यात यश आले आणि नियोजनबद्ध पाळत ठेवून योग्य वेळी सापळा रचून संदेश शिवाजी कंभार (वय २४ वर्षे, रा. स्वप्न साई बिल्डिंग, औदंबर पार्क, गोपाळ पट्टी, मांजरी बद्रुक, पुणे) यास ताब्यात घेण्यात आले.

🛑 आरोपीची कबुली – मुद्देमाल हस्तगत

तपासादरम्यान आरोपीने गुन्ह्याची कबुली दिली असून त्याच्याकडून ८ ग्रॅम वजनाची, ₹५०,०००/- किंमतीची सोन्याची चैन हस्तगत करण्यात आली आहे. आरोपीस अटक करण्यात आली असून पुढील तपास सुरु आहे.

🏅 पोलीस दलाची उल्लेखनीय कामगिरी

ही यशस्वी कारवाई मा. अप्पर पोलीस आयुक्त (पूर्व प्रादेशिक विभाग) श्री. मनोज पाटील, मा. पोलीस उप आयुक्त परिमंडळ ६ डॉ. राजकुमार शिंदे, मा. सहाय्यक पोलीस आयुक्त लोणीकाळभोर विभाग श्रीमती अनुराधा उदमले यांच्या मार्गदर्शनाखाली पार पडली.

या कामगिरीत वरिष्ठ पोलीस निरीक्षक श्री. बाबासाहेब निकम, पोलीस उपनिरीक्षक महेश कवळे, तसेच पोलीस अंमलदार प्रदीप सोनवणे, संदीप राठोड, सचिन जाधव, निखिल पवार, प्रशांत दुधाळ, अशोक अंधारे, चंद्रकांत रेजितवाड, रविकांत कचरे, ज्ञानेश्वर चोरमले व माधव हिरवे यांनी मोलाची भूमिका बजावली.

🔖 

Hashtags

#BreakingNews #ManjariPolice #PunePolice #ChainSnatchingSolved #CCTVInvestigation #SwiftPoliceAction #CrimeSolved #PuneCity #Shevalwadi #Manjari #GoldChainRecovered #PoliceAchievement #LawAndOrder #PuneUpdates #CrimeControl #PublicSafety