बाहेर जिल्ह्यातून ट्रॅक्टर चोरी करणारा हिस्ट्रीशीटर अखेर जेरबंद! वाघोली पोलिसांची मोठी कारवाई — ट्रॅक्टरसह दुचाकी जप्त, २.७० लाखांचा मुद्देमाल हस्तगत

🚨 ब्रेकिंग न्यूज | वाघोली (पुणे शहर) 🚨

बाहेर जिल्ह्यातून ट्रॅक्टर चोरी करणारा हिस्ट्रीशीटर अखेर जेरबंद!

वाघोली पोलिसांची मोठी कारवाई — ट्रॅक्टरसह दुचाकी जप्त, २.७० लाखांचा मुद्देमाल हस्तगत

वाघोली पोलीस स्टेशन हद्दीत घडलेल्या ट्रॅक्टर चोरीच्या घटनेचा छडा लावत पुणे शहर पोलिसांनी मोठी कामगिरी केली आहे. बाहेर जिल्ह्यातून येऊन पुणे शहर व परिसरात ट्रॅक्टर चोरी करणाऱ्या सराईत व हिस्ट्रीशीटर आरोपीला वाघोली पोलिसांनी अटक केली असून त्याच्याकडून महिंद्रा कंपनीचा ट्रॅक्टर व एक दुचाकी गाडी असा एकूण २,७०,०००/- रुपये किंमतीचा मुद्देमाल जप्त करण्यात आला आहे.

दि. ०६/१२/२०२५ रोजी रात्री ०१.०० वाजण्याच्या सुमारास, अमृत पॅलेसजवळील पाटील वस्ती, भावडी रोड, वाघोली, पुणे येथील सार्वजनिक रस्त्यावरून फिर्यादी यांचा महिंद्रा कंपनीचा ट्रॅक्टर अज्ञात चोरट्याने चोरी केल्याची तक्रार वाघोली पोलीस स्टेशन येथे दाखल झाली होती. त्यानुसार गुन्हा रजिस्टर नंबर ७०८/२०२५, बी.एन.एस. कलम ३०३(२) अन्वये गुन्हा नोंदविण्यात आला होता.

या गंभीर गुन्ह्याचा तपास सुरू असताना वाघोली पोलिसांच्या तपास पथकाने अत्यंत कौशल्यपूर्ण व मेहनतीने तपास करत वाघोली ते आष्टी (जिल्हा बीड) या मार्गावर तब्बल १८० सीसीटीव्ही कॅमेऱ्यांचे फुटेज तपासले. सातत्यपूर्ण तपास, तांत्रिक विश्लेषण व गोपनीय माहितीच्या आधारे अखेर आरोपीचा माग काढण्यात पोलिसांना यश आले.

तपासात आरोपी अंबादास विक्रम मिसाळ (वय ४३ वर्षे, रा. पिंपळनेर, ता. शिरूर, जि. बीड) हा निष्पन्न झाला असून तो सराईत गुन्हेगार व हिस्ट्रीशीटर असल्याचे उघड झाले आहे. आरोपीकडून चोरी गेलेला महिंद्रा कंपनीचा ट्रॅक्टर तसेच इतर गुन्ह्यात वापरलेली एक दुचाकी गाडी जप्त करण्यात आली आहे.

या कारवाईदरम्यान आरोपीकडून पुढील गुन्हे उघडकीस आले आहेत —

1️⃣ वाघोली पोलीस स्टेशन — गु.र.नं. ७०८/२०२५, बी.एन.एस. कलम ३०३(२)

2️⃣ शिरूर पोलीस स्टेशन, पुणे ग्रामीण — गु.र.नं. ७३९/२०२२, भा.दं.वि. कलम ३७९

सदर आरोपीला अटक करण्यात आली असून त्याच्याकडून एकूण २.७० लाख रुपये किंमतीचा मुद्देमाल जप्त करण्यात आला आहे. या प्रकरणाचा अधिक तपास पोलीस अंमलदार राम ठोंबरे हे करत आहेत.

ही संपूर्ण कामगिरी मा. अपर पोलीस आयुक्त (पूर्व प्रादेशिक विभाग) पुणे शहर श्री. मनोज पाटील, मा. पोलीस उप आयुक्त परीमंडळ ७ श्री. सोमय मुंडे, मा. सहायक पोलीस आयुक्त लोणीकंद विभाग श्रीमती नूतन पवार यांच्या मार्गदर्शनाखाली तसेच वाघोली पोलीस स्टेशनचे वरिष्ठ पोलीस निरीक्षक श्री. युवराज हांडे यांच्या सूचनेप्रमाणे पार पाडण्यात आली आहे.

तपास पथकात पो. उपनिरीक्षक मनोज बागल यांच्यासह पोलीस अंमलदार बाबासाहेब मोराळे, राम ठोंबरे, प्रदीप मोटे, मंगेश जाधव, सुनील कुसाळकर, समीर भोरडे, पांडुरंग माने, विशाल गायकवाड, दीपक कोकरे, साईनाथ रोकडे, प्रीतम वाघ, शिवाजी चव्हाण यांनी महत्त्वपूर्ण भूमिका बजावली.

या कारवाईमुळे वाघोली व परिसरातील नागरिकांमध्ये समाधान व्यक्त होत असून, चोरी करणाऱ्या टोळ्यांना व सराईत गुन्हेगारांना पोलिसांचा कडक इशारा मिळाला आहे. 🚔💥

🔴

#BreakingNews | हॅशटॅग्स

#वाघोलीपोलीस

#PunePolice

#TractorTheft

#HistorySheeterArrested

#CrimeNews

#PoliceAction

#CCTVInvestigation

#TractorRecovered

#LawAndOrder

#PuneCity